Partia Demokratike i është përgjigjur deklaratave dhe akuzave të kryeministrit Edi Rama sëfundmi.
Nëpërmjet një reagimi publik, PD shprehet se Rama nuk do të bëjë asgjë nga ato që thotë dhe prandaj e do sërish mandatin e tretë.
PD thekson gjithashtu se derisa kreu i qeverisë nuk bëri asgjë në 8 vjet, nuk do bëjë asgjë as në 4 vjet, teksa janë të lumtur që Rama e kuptoi se plani ynë do ta çojë Shqipërinë para, ndaj edhe ka filluar të kopjojë pjesë të tij.
Reagimi i plotë i Partisë Demokratike:
Jemi të lumtur që shikojmë se Edi, më në fund, e kuptoi ashtu si gjithë shqiptarët, se plani ynë do ta çojë Shqipërinë para, ndaj edhe ka filluar të kopjojë pjesë të tij. Po të gjithë e dinë se pas zgjedhjeve, ai s’do të bëjë asgjë nga ato që thotë.
Edi e do mandatin e tretë që të vazhdojë të mos bëjë asgjë.
Nëse s’keni bërë asgjë në 8 vjet, s’do të bëni as në 4 të tjerët.
Edi e ka lënë në vend numëro Shqipërinë, ne do ta çojmë përpara.
Ne do të zbatojmë gjithë planin tonë kur të fitojmë dhe nëse nuk do ta bëjmë, nuk do të kërkojmë mandat të dytë.
Këtë bëjnë kryeministrat e vërtetë.
Kështu fiton Shqipëria.
