#edheunë… Nisma e nisur pak ditë më parë në rrjetet sociale duket se po merr përmasa të mëdha nga dita në ditë, sa i përket zgjedhjeve lokale në këtë situatë të tensionuar.
Opozita duke iu referuar dekretit të Presidentit thotë se nuk ka datë zgjedhjesh, por nga ana tjetër mazhoranca qeverisëse duke e konsideruar nul këtë dekret do shkojë në zgjedhje për kryetarë bashkie, edhe pse në shumicën prej tyre është vetëm kandidati i PS-së.
Urbanisti i njohur, Besnik Aliaj thekson se është kundër zgjedhjeve moniste pas 30 vitesh pluralizëm. Artisti Neritan Licaj bashkë me nismën #edheunë, thekson se s’do të lejojë që jetët e fëmijëve tanë të nëpërkëmbet.
Petraq Papa thotë se të bllokosh zgjedhjet e 30 qershorit është jo “zgjedhje”, por zgjidhje për t’i dhënë fund vjedhjes së votës.
Nga ana tjetër gazetarja Sonila Meço reagoi publikisht duke deklaruar se nuk do të shkojë të votojë më 30 qershor./ Opinion.al
