Ditëlindja e trajnerit të përfaqësueses shqiptare të futbollit, Kristian Panuçi, është festuar edhe nga klubi i Romës. Verdhekuqtë, pavarësisht euforisë dhe shpërqendrimit të kuptueshëm për kalimin në gjysmëfinalet e Ligës së Kampioneve, nuk kanë harruar të postojnë një mesazh urimi për teknikun e kuqezinjve i cili mbushi sot 45 vjeç.
Verdhekuqtë e kanë bërë duke i kujtuar ish-mbrojtësit i cili mbajti disa herë edhe shiritin e kapitenit, një nga momentet më mbresëlënëse të karrierës së tij, atë gol të shkëlqyer të cilin ai shënoi në “Kamp Nou” ndaj Barcelonës dhe që në javët e fundit është përmendur shpesh si motivim për kualifikimin e klubit përballë katalanasve.
“8 sezone te AS Roma, 315 ndeshje, 31 gola, 2 Kupa Italia, 1 Superkupë italiane. Gëzuar ditëlindjen Kristian Panuçit i cili sot mbush 45 vjet”, ishte kujtimi i klubit, i shoqëruar edhe me videon e atij goli. /vipsport.al/
?️ 8 stagioni nell’#ASRoma
? 315 presenze
31 gol
?? Coppe Italia
? Supercoppa Italiana
? Buon compleanno a Christian Panucci, che oggi compie 45 anni! pic.twitter.com/8jYp4NfxLC— AS Roma (@OfficialASRoma) April 12, 2018
