Në disa vende të botës gjatë ditës së djeshme u festua Dita e nënave. Mjaft urime dhe dhurata ka marrë edhe ylli televiziv Khloe Kardashian, e cila është nënë e një vajze.
Ajo ka publikuar një foto në Instagram me të voglën e saj True në dorë duke marrë shumë urime në këtë ditë feste.
Por sipas burimeve të “Hollywood Life” ajo ka marrë një tufë me lule nga ish-partneri i saj Tristan Thompson, me të cilin është ndarë muaj me parë.
Gjithashtu ai i ka dërguar edhe një kartolinë urimi nënës së vajzës së tij. Megjithatë mësohet se Khloe nuk është emocionuar aspak nga ky veprim i ish-partnerit.
“Khloe e vlerësoi gjestin, por nuk nxiti tek ajo dëshirën për të parë ish-partnerin. Ishte pak vonë. Ajo kaloi ditën speciale me vajzën e saj, nënën, gjyshen dhe pjesën tjetër të familjes”,-thuhet nga burimet pranë saj.
Që pas tradhtisë që Tristan bëri me mikeshën e ngushtë të familjes Kardashian, Jordyn Woods, Khloe ka vendosur t’a mbyllë përgjithmonë marrëdhënien me të./Opinion.al/
