Komisioni Qendrori Zgjedhjeve ka vendosur të shpërndajë fondin prej 140 milionë lekë për 6 parti politike për vitin 2020, ku pjesa më e madhe e saj i takon Partisë Socialiste. KQZ mori këtë vendim pas shqyrtimit të projektvendimit lidhur me fondet e akorduara për partitë politike në vend.
Ligji e lidh financimin jo me qënien ose jo në parlament, por me rezultatin e zgjedhjeve të fundit parlamentare.
“Gjithmonë rezultatet lidhen me zgjedhjet e fundit parlamentare, derisa këto parti politike kanë qenë pjesëmarrëse në zgjedhjet e fundit të zhvilluara parlamentare marrin në bazë të vendeve të fituara në kuvend”, ka thënë pak ditë më parë Bledar Skënderi, anëtar i KQZ-së./ Opinion.al
