Aktori i famshëm turk Burak Ozviç është një ndër të preferuarit nga ana e femrave, qoftë fytyra publike qoftë jo publike. Ai gjithmonë tërheq vëmendjen e tyre edhe pse tanimë është i martuar.
Kështu pas modeles iraniane, një tjetër bukuroshe e ka radhën për t’u bërë bllok në të gjitha rrjetet sociale Burak Özçivit, dhe bëhet fjalë pikërisht për modelen ruse Victoria Bonya. Bukuroshja nuk ka lënë fotografi pa pëlqyer dhe komentuar në profilin e “Kemal” gjë që ndoshta ka shkaktuar xhelozi tek bashkëshortja e tij Fahriye Evcen.
Pak para dasmës, mediat turke raportuan për një krizë në marrëdhënien e Fahriye Evcen dhe Burak Özçivit dhe si shkaktare bën pikërisht Victoria Bonya. Kur duket se gjërat u qetësuan, Victoria doli sërish në skenë me komentet e saj të shpeshta, që detyruan aktorin turk t’i bëjë block, për të qetësuar bashkëshorten, por edhe fansat.
“Nuk e kam kuptuar kurrë përse i shqetësojnë kaq shumë komentet e mia në Instagramin e Burakut. Shumë e çuditshme. Sot lexova në shumë media turke për qindra komentet e mia të bërë në Instagramin e aktorit. Unë kam bërë qindra komente në profilet e qingra njerëzve që kur kam hapur Instagramin, por kurrë nuk kam marrë një reagim të tillë. Unë kam dikë në jetën time që e dua shumë, mos u shqetësoni. Ju lutem mos përdorni emrin tim, mos e bën shumë të madhe diçka që nuk është”, është shprehur modelja. /Opinion.al
