Një regjim i veçantë i të ushqyerit dhe ushtrimet konstante janë kombinimi që garantojnë një trup në formë. Por ende nuk jeni gati për t’ju nënshtruar dietës, ndiqni këto 5 këshilla shumë të vlefshme.
Hani mjaltë
Edhe pse mjalti nuk do t’i shkrijë të gjitha kilet e tepërta nga trupi juaj, një lugë mjaltë do t’i ndihmojë belit tuaj që të mbetet i hollë, e juve do t’ju ndihmojë që t’i bëni ballë krizës së quajtur „asnjë ëmbëlsirë“. Shpesh, derisa mundohemi të mos shtojmë peshë, del se niveli i sheqerit në gjak është shumë më i lartë sesa kur hamë ëmbëlsira, sepse stresi shkakton sekretimin e hormonit kortizol, i cili rritë nivelin e sheqerit në gjak. Kështu, në vend se të hiqni dorë nga ëmbëlsirat, lejojani vetes ndonjë sish, por kujdes gjatë përzgjedhjes. Studimet kanë treguar se si mjalti është antibiotik natyror, i cili duhet të kufizohet në 60 deri 70 kalori në ditë.
Shponi veshët
Me akupunkturë, e jo me vathë luksozë. Disa ekspertë besojnë se forma e veshit ngjan me pasqyrën, ku shihet tërë trupi ynë. Disa studime kanë treguar se si akupunktura po ashtu ndikon në humbjen e kileve të tepërta, qoftë me vendosjen e disa gjilpërave në disa vende në vesh, ose në disa vende të tjera, që lidhen me apetit.
Merrni mjaft vitaminë D
Kjo vitaminë nevojitet për një punë normale të qelizave në trup, e ndikon edhe në humbjen e peshës. Edhe pse nuk gjendet mjaft në asnjë gjësend ushqimor, ajo mund të gjendet në produktet e qumështit dhe në flluska të misrit (corn-flakes). Vitamina D po ashtu i nevojitet trurit që ta sekretojë hormonin serotoninë, i cili, përpos që na bën të ndihemi të lumtur, ndikon edhe në absorbimin e kalciumit, transmeton Gazeta Kosova Sot Online.
Hani më shumë dredhëza
Niveli i lartë i antioksiduesve që e kanë dredhëzat bën që ato të jenë efikase në largimin e kileve të tepërta. Te dredhëzat vepron edhe vitamina C, celuloza, si dhe kalciumi. Është parë se dredhëzat e përshpejtojnë metabolizmin, por edhe e zvogëlojnë apetitin.
Shpargujt
Kjo perime e gjelbër është e njohur si diuretik i fuqishëm, që eliminon sasinë e tepërt të ujit nga organizmi dhe që tretet lehtë. Munden edhe të shpërbëjnë dhjamërat, falë përbërësit alkaloid, i cili stimulon qarkullimin dhe largon helmet nga organizmi.
