Një 33-vjeçar ka rënë në prangat e policisë në Mallakastër nën akuzën e armëmbajtjes pa leje. Sipas policisë 33-vjeçari me iniciale A.I është arrestuar në flagrancë, pasi gjatë një kontrolli fizik të ushtruar nga forcat blu iu gjet dhe sekuestrua një pistoletë me një krehër dhe tetë fishekë.
I ndaluari ishte duke udhëtuar me një makinë të tipit “Benz”. Më pas nga verifikimi që i është bërë automjetit nga policia, dyshohet automjeti mund të jetë i vjedhur dhe trafikuar për shkak se rezulton me targa të falsifikuara dhe me numër shasie të modifikuar.
Sipas policisë 33-vjeçari ka qenë dënuar më parë për “Vjedhje”. Materialet i kaluan Prokurorisë pranë Gjykatës së Shkallës së parë Fier për veprat penale “Armëmbajtje pa leje”, “Trafikimi i mjeteve motorike” dhe “Falsifikimi i vulave, stampave ose formularëve”./Opinion.al/
