Mjafton të ecni të paktën 25 minuta në ditë për të zgjatur jetën me rreth 7 vite.
Ky fakt u zbulua shkencërisht falë një studimi të një grupi shkencëtarësh gjermanë, nga Universiteti i Saarland. Kërkuesit kanë zbuluar gjithashtu se aktiviteti fizik i moderuar mund të ul rrezikun e vdekjes nga një atak në zemër për personat e moshës 50-60 vjeç.
Kjo sëmundje vdekjeprurëse është ‘vrasësi’ më i madh në Britaninë e Madhe, sipas Indipendent, duke shkaktuar vdekje në çdo 7 sekonda dhe jo vetëm! Ataku kardiak është një nga shkaqet kryesore të vdekjes në rang global. Kështu, nëse aktiviteti fizik është parë prej kohësh si një metodë e mirë për të ulur rreziqet, për shkak të uljes së nivelit të obezitetit dhe diabetit, mesa duket është përgjegjës dhe për një jetë të gjatë e të shëndetshme.
Kërkimi ka testuar gjithashtu edhe një grup prej 69 personash të shëndetshëm, jo duhanpirës, të moshës nga 30-60 vjeç, që nuk kanë patur gjithë jetën një regjim të rregullt aktiviteti fizik. Analizat e gjakut të të krahasuara pas nisjes së gjashtë muajve regjim të rregullt fizik, kanë treguar një aktivizim të një procesi kundër-plakjes dhe përmiresim të ADN-së së ‘plakur’.
