Një ngjarje e rëndë ka ndodhur mbrëmjen e djeshme në Peqin, ku një 20-vjeçar ka humbur jetën nga një aksident me zetor.
Sipas uniformave blu, 20-vjeçari D.H. ishte duke punuar tokën me zetor dhe për një moment ka humbur kontrollin e mjetit duke u përmbysur.
Si pasojë e aksidentit i riu ka ndërruar jetë në vendngjarje nga dëmtimet e marra.
“Peqin/Mbrëmjen e djeshme, në fshatin Çengelaj, Peqin, shtetasi D. H., 20 vjeç, banues në Peqin, duke punuar tokën, me mjet zetor, ka humbur kontrollin dhe mjeti është përmbysur. Për pasojë, 20-vjeçari është dëmtuar dhe ka humbur jetën në vendngjarje”, tha policia.
Grupi hetimor vijon punën për zbardhjen e rrethanave të kësaj ngjarjeje./Opinion.al
