Një elektricist 55-vjeçar duke punuar në një shtyllë të tensionit të lartë, ka rënë në kontakt me rrymën elektrike. Ngjarja ka ndodhur rreth orës 11:05, në Paskuqan, në rrugën “Fehmi Agani”. 55-vjeçari është dërguar në spital, ku ndodhet jashtë rrezikut për jetën.
“Më datë 19.10.2021, rreth orës 11:05, në Paskuqan, në rrugën “Fehmi Agani”, duke punuar në një shtyllë të tensionit të lartë, ka rënë në kontakt me rrymën elektrike elektriçisti shtetasi K. G, 55 vjeç, i cili ndodhet në spital, jashtë rrezikut për jetën”, njofton policia.
Grupi hetimor po punon për sqarimin e rrethanave të ngjarjes.
