Pas ngjarjes së rëndë që ndodhi pasditen e djeshme në Kavajë, ku mbetën të vrarë Edmond Gosa dhe Altin Rexha, kanë folur për mediat fqinjët e tronditur.
Një prej tyre thotë se Altin Rexha që mbeti i vrarë ditën e djeshme, ishte një njeri pa probleme dhe familjar.
Në momentin e plagosjes me thikë, Rexha ka qenë bashkë me djalin e tij 2-vjeçar, i cili sipas fqinjës ka mbetur i traumatizuar nga ngjarja e ndodhur.
“Kishte një vit e tre muaj që jetonte këtu. Ishin njerëz të mirë. Më ka ardhur shumë keq. Ishte njeri shumë i mirë, shpirt njeriu. Edhe kur nuk e kisha mendjen, ai të thoshte ‘mirëmëngjes si je’. Punonte, bënte shtëpi. Ishte njeri familjar. E vranë me fëmijë në krahë.
Kishte ardhur nga puna, kishte marrë çunin dhe kishte shkuar në supermarket. Edhe çuni ishte traumatizuar sepse ia kishin ngulur thikën në zemër. Gruaja e tij është shumë grua e mirë. Shikonte punën e vet.”, ka thënë fqinja e tyre.
Të dy shtetasit janë konfliktuar me fjalë ditën e djeshme dhe më pas Edmond Gosa e ka goditur me thikë në prezencë të djalit të tij të mitur Altin Rexhën, i cili i është kundërpërgjigjur me armë zjarri. Të dy nuk mundën t’i shpëtojnë plagëve të marra./Opinion.al
