Moderatorja, Arbana Osmani, ka publikuar foton e parë nga dasma e saj me regjizorin Eduart Grishaj.
Osmani dhe Grishaj kurorëzuan në martesë dashurinë e tyre disa vjeçare në një ceremoni të zhvilluar disa ditë më parë në Toskana të Italisë.
Në një postim në rrjetet sociale, moderatorja shkruan krahas fotos se iu desh pak kohë për të mbledhur veten nga emocionet dhe për të ndarë me publikun këtë moment nga dasma.
“Bashkë ne të dy. Një javë më parë festuam dashurinë me njerëzit tanë më të afërt në një lumë emocionesh e lotësh gëzimi.
Kanë qenë ditë të paharrueshme për ne dhe na u desh pak kohë të mbledhim veten nga emocionet dhe të ishim gati të ndanim edhe me ju këtë moment, si një falenderim që jeni gjithmonë pranë nesh, në të mirë e në të keq. Faleminderit të ftuarve tanë të zemrës që ato ditë braktisën telefonat dhe shijuan bashkë me ne një fundjavë të bukur duke respektuar dhe dëshirën tonë për ta mbajtur këtë festë private. Faleminderit Zotit për gjithçka. Vetëm bekime për të gjithë ju; Gjithmonë❤”-shkruan moderatorja në rrjetet sociale./Opinion.al
