Me shpejtësi në media u përhap lajmi se krerët e opozitës gjatë pasdites së kësaj të premteje, para protestës kishin zhvilluar një takim me një diplomat amerikan, i cili referuar raportimeve iu kishte dhënë Lulzim Bashës dhe Monika Kryemadhit porosi të qartë: Do marrim masa nëse do ketë dhunë në protestë.
Nga protesta, kreu i PD-së foli për një plan, që sipas tij kishte qeveria që këtë protestë ta kthente në dhunë për të mbytur jehonën e publikimit të përgjimeve nga Bild.
Opinion.al pyeti zyrën e shtypit të PD-së mbi mundësinë e zhvillimit të këtij takimi dhe përgjigjja ishte se zoti Basha nuk ka patur asnjë takim me asnjë diplomat amerikan.
Nga ana tjetër edhe kryetarja e LSI, Monika Kryemadhi u pyet nga gazetarët për këtë çështje dhe tha se nuk kishte zhvilluar asnjë takim. Sipas saj ndonjëherë ERTV (media që ka kryeministri Edi Rama) është me saktë se disa media të tjera që duan të përfaqim dezinformim. / Opinion.al
