Pas urimit të kryeministres Giorgia Meloni për fitoren e mandatit të katërt të qeverisë Rama, nuk ka vonuar përgjigja e kryesocialistit.
Përmes një mesazhi falënderues, kryeministri Rama shkruan se është privilegj që të bashkëpunojë me një lidere si Meloni.
Po ashtu, kreu i qeverisë shton se më e mira për dy vendet, Italinë dhe Shqipërinë, nuk ka ardhur akoma.
Reagimi i plotë i Ramës:
Faleminderit motër! Është nder të shërbesh për një marrëdhënie të jashtëzakonshme afërsie dhe miqësie si ajo mes Shqipërisë dhe Italisë, dhe është privilegj të bashkëpunosh me një lider si ti, që thotë atë që bën dhe bën atë që thotë. Nuk e di nëse e shkrova saktë ‘a leader’ apo jo, por e di me siguri që më e mira për vendet tona është ende për të ardhur.
