7 persona nga e njëjta familje, 6 prej të cilëve fëmijë kanë humbur jetën këtë të shtunë si pasojë e një sulmi me boma në Alepo.
Zyrtari i Mbrojtjes civile në qytet, Ibrahim Ebu Leys tha për Anadolu Agency se një helikopter ushtarak i regjimit ka bombarduar me bombë lagjen Alepo i Vjetër, që është nën kontrollin e opozitarëve. Ai shtoi se nga sulmi me bombë u vranë 7 persona nga e njëjta familje dhe se një numër i madh i njerëzve janë plagosur.
Ebu Leys theksoi se shtëpia e cila ka qenë në shënjestër, është shkatërruar plotësisht nga sulmi dhe se shumë shtëpi në afërsi janë dëmtuar. Ai tha se ekipet e Mbrojtjes civile janë duke punuar për të arritur tek njerëzit që kanë mbetur nën rrënoja.
Komiteti koordinues i forcave rebele, cituar nga portali “Middle East Eye”, tha se viktimat ishin bashkëshortja dhe gjashtë fëmijët e një aktivisti të opozitës, Ali Abu al Jawd.
Ky i fundit, thanë të njëjtat burime, nuk ndodhej në banesë në kohën e sulmit.
