Një ngjarje e tmerrshme ka ndodhur ditët e sotme në Kabul. Të paktën 12 raketa janë hedhur në drejtim të qytetit sot, ditën e Kurban Bajramit, në momentin e faljes. Talebanët kanë tradhtuar marrëveshjen për armëpushim ditën e sotme, duke i zënë qytetarët në befasi dhe të pa mbrojtur.
Sulmi erdhi ndërsa presidenti Ashraf Ghani po fliste në ceremoninë e faljes. Disa prej raketave kanë synuar Pallatin Presidencial dhe zonën diplomatike në kryeqytetin e Afganistanit. Luftimet shpërthyen midis forcave të sigurisë dhe grupeve të armatosura në lagjen e vjetër të qytetit, dhe flitet për të paktën 2 të plagosur.
“Këtë mëngjes një grup terroristësh në një ndërtesë në Reka Khana lëshuan disa raketa drejt Kabulit,” tha Najib Danishm, një zëdhënës për ministrinë e brendshme, për agjencinë e lajmeve AFP. Presidenti Ashraf Ghani po fliste drejtpërdrejt në televizion për të festuar Kurban Bajramin kur u dëgjuan shpërthime, disa prej tyre pranë pallatit presidencial.
Ndërkohë ditën e djeshme, talebanët sulmuan tre autobusë që mbanin rreth 200 udhëtarë dhe i rrëmbyen. Agjencia e lajmeve Reuters raportoi se 160 prej tyre u liruan më vonë, ndërsa të paktën 20 mbetën robër. Dy komandantë talebanë thanë se udhëheqësi i tyre supreme, kundërshtoi ofertën e së dielës të Ghani për një armëpushim tre-mujor, duke filluar nga festa e Bajramit këtë javë, raportoi Reuters.
