Pamjet e mëposhtme janë vertet të tmerrshme. Shumë herë kemi thënë se nuk dimë çfarë hamë!! Por kjo shprehje merr më shumë kuptim kur shohim pamjet se ku “prodhohen” salcërat, vaj ullirit dhe produktet e tjera që ne i blejmë nën mashtrimin e markave të njohura. Vaj ulliri “Himara”, salcë domatesh “Fagero” janë disa prej tyre…
Videoja është publikuar nga policia e cila arrestoi babë e birë për falsifikim të etiketave të ushqimeve dhe produkteve të tjera industriale. “Fabian Gero, 55 vjeç dhe Arnold Gero, 21 vjeç, banues në Tiranë kishin modifikuar ambientet e një bodrumi për prodhimin e artikujve të ndryshme ushqimore, duke përdorur ambalazhime të falsifikuara (etiketa të firmave të ndryshme)”, bëri të ditur policia e Tiranës..
Si rezultat i këtij operacioni, janë sekuestruar në cilësinë e provës materiale:
1. Një automjet tip Volksëagen.
2. 270 shishe plastike 1.5 kg me mbishkrimin Vaj sallate Himara dhe vaj ulliri Himara
3. 150 l vaj ulliri i hapur pa etikete.
4. Arome vaj ulliri 40 kg.
5. 700 shishe qelqi të mbushura me salcë domatesh me mbishkrimin Fagero.
6. Një thes 20 kg i hapur i mbushur me lëndë Sode Kaustike
7. 90 kg me lëndë kimike (përdoret për prodhimin e pijeve alkoolike),
8. 3 shishe qelqi 1 l me lëndë Acid Nitrik
9.Sapuna me ngjyrë 700 copë
10. Një bidon 1l alkool Izopropilik
11. Etiketa Stampa me mbishkrimin Fagero Leng Domate Passata
12. Etiketa Stampa me mbishkrimin Fagero salc Domate me ereza
13. Etiketa stampa Vaj sallate Himara, Vaj ulliri Himara dhe
14.Etiketa stampa Vaj ulliri Himara si dhe etiketa vaj extra vergine
15.Pajisje që shërbenin për prodhime të ndryshme.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprat penale të “Prodhimi i kundërligjshëm i artikujve dhe mallrave industrialë dhe ushqimorë”, “Fshehja e të ardhurave” dhe “Falsifikimi i vulave, stampave ose formularëve”, parashikuar nga Nenet 288/a, 180 dhe 190 të Kodit Penal.
