Autori i këtij kërkimi është profesori, Michael Hunter i Universiteti Sheffield, i cili ka arritur të tregojë motivet biologjike që shpjegojnë pse një mashkull e ka të vështirë t’u kushtojë vëmendje bisedave të një femre.
Truri mashkullor nuk arrin nga natyra të përqendrohet në zërin femëror prej toneve vokale, që te ata aktivizojnë vetëm një pjesë të vogël të trurit, ndërkohë që te femra aktivizohet gjithë zona e dëgjimit.
Nëpërmjet disa eksperimenteve të bërë me teknika të rezonancës magnetike, është bërë e mundur që të identifikohen zonat në tru që aktivizohen për zërin. Femrat prodhojnë zë me një gamë frekuencash shumë komplekse, për shkak të dimensioneve të ndryshme dhe formave të kordave vokale apo laringut.
