Q. Muçaku sot do të mbushte 14 vjeç. Por , djali nga fshati Xhyrë në në Njësinë Administrative Hotolisht në Bashkinë e Librazhdit u përfshi në një aksident tragjik.
14-vjeçari, nxënës në klasën e IX-të në Shkollën 9-vjeçare të fshatit Xhyrë u përfshi në një aksident të pazakontë në oborrin e shtëpisë së tij, 4 ditë më parë.
Gazetari Fatmir Popja raporton për ‘BalkanWeb’ se djali ishte tërhequr zvarrë për disa metra nga kali i shtëpisë, i cili ishte trembur. Duke qenë se kishte patur të lidhur litarin në dorën e tij 14-vjeçari nuk ka mundur ta zgjidhë dot.
Fatkeqësisht adoleshenti pësoi dëmtime të rënda në kokë e trup. Pavarësisht se u dërgua në Qendrën Spitalorë “Nënë Tereza” në Tiranë, ai katër ditë pas aksidentit ndërroi jetë. Ndërsa u përcoll për në banesën e fundit ditën kur ai duhet të festonte datëlindjen.
brazhd/ E tërhoqi kali zvarrë, 14-vjeçari ndërron jetë pak orë para ditëlindjes
