I dëshpëruar nga gjendja në Siri dhe në pamundësi për të paguar trafikantët, një djalë sirian ka vendosur të kalojë me not, kufirin nga Turqia në Greqi.
Siriani Ameer Mehtr ka treguse se kishte kaluar disa muaj duke u përgatitur për këtë sfide me anë të stërvitjes çdo ditë me një trajner noti në kryeqytetin e Libanit, Bejrut.
Mehtr arriti të notonte përmes detit Egje nga Turqia në ishullin grek Samos, pasi kishte studiuar hartën për të gjetur rrugën më të shkurtër.
Ai ndiqej nga policia dhe iu desh të vrapoje rreth një orë para se të hynte në ujë.
“Çdo sekondë të rrugës mendoja se do të vdisja”, ka thënë Ameer, duke shtuar se nuk është i vetmi që ka ndjekur këtë rrugë pasi shumë të tjerë para tij kanë vepruar kështu.
