Një ngjarje e cila fare mirë mund të vlerësohet komike, por jo në rrethanat e Shqipërisë së sotme, ku për një kanoçe me ujë, mund të rrihesh paq, ka çuar dy vite më parë në një konflikt i cili ka degjeneruar deri në rrahje midis një shtetaseje dhe nënë e bijë.
Ngjarja ka ndodhur në Babrru të Tiranës më 5 maj 2013 kur shtetasja D.L duke larë rrugën, gabimisht ka laguar derën e shtetates Vjollca Elezi, e cila ndërkohë i ka kërkuar që të ketë më shumë kujdes. Ky reagim nuk i ka pëlqyer shtetases D.L e cila është konfliktuar verbalisht me Vjollcën. Në këtë moment në ndihmë të D.L ka ndërhyrë edhe e bija S.L, dhe midis palëve konflikti ka degjeneruar nga fjalët te përplasja fizike. D.L dhe S.L, kanë hyrë në oborrin e shtetases Vjollca Elezi dhe e kanë dhunuar me shkelma dhe sende të forta duke i sjellë edhe dëmtime fizike. Duke e paaftësuar për punë. Menjëherë pas kësaj ngjarje, shtetasja Vjollca Elezi, ka paditur nënë e bijë dhe vetëm pas dy vitesh nëpër seanca gjyqësore ka mundur jo vetëm të fitojë gjyqin por edhe të dëmshpërblehet.
Faksimile e Gjykatës, siguruar nga gazeta Panorama
