E rrahën me shkopa bejsbolli derisa e çuan pranë vdekjes dhe më pas, për t’i dhënë fund jetës së tij ua hodhën trupin derrave. Një tufë derrash që ndodheshin në sallë iu vërsulën trupit ende në agoni derisa e shqyen të tërin.
Kjo vrasje makabre është marrë përsipër nga një i ri italian, i cili ka pranuar se ka vrarë kundërshtarin e tij. Simone Pepe, është dënuar me burgim të përjetshëm pasi u shpall fajtor për vrasjen e Francis Raccosta.
Ngjarja ka ndodhur në vitin 2012, ku në Mars Raccosta një mafioz i njohur në Kalabri, u shpall i zhdukur. Nga hetimet, policia italiane regjistroi Pepen duke i treguar sesi e kishte vrarë atë.
Ai dëgjohet duke i treguar një miku të tij, se pasi e kishin qëlluar me shkop bejsbolli në një pritë që i kishin bërë, trupin ua hodhën derrave.
“Nuk pashë të kishte mbetur asgjë. Derrat e kishin ngrënë të gjithin”, dëgjohet 24vjeçari. “Ishte kënaqësi ta dëgjoje duke bërtitur. O nëne si bërtiste”.
