Dy të moshuar humbën jetën tragjikisht mëngjesin e sotëm në azilin e Poliçanit. Rreth orës 06:00 mësohet se ka shpërthyer një zjarr në azilin e të moshuarve. Për pasojë vdiqën nga asfikësimi 84-vjeçari nga Lybeshi dhe 81-vjeçari nga Vleshja. Policia jep incialet e viktimave, T.S, 84 vjeç dhe M.K., 81 vjeç. Nga të dhënat e para mësohet se zjarri u shkaktua nga djegia e një batanije.
Njoftimi i policisë
Më datë 24.04.2017, rreth orës 06:00, njoftohemi se kanë ndërruar jetë në azilin e pleqëve Poliçan shtetasit T.S 84 vjeç, banues në fshatin Lybesh dhe M.K 81 vjeç, banues në fshatin Veleshje. Menjëherë në vendngjarje ka shkuar grupi hetimor të cilët po punojnë për shkaqet e kësaj ngjarje.
Nga veprimet paraprake dyshohet se vdekja e shtetasve të mësipërm ka ardhur si pasojë e asfiksisë nga tymi i krijuar nga djegia e një batanije.
/Opinion.al
