Një fotografi e rëndë është duke bërë xhiron e rrjetit prej disa kohësh. Bëhet fjalë për Karim Abdel Rahman, një fëmijë i sirian që humbi syrin e majtë dy muaj më parë në një sulm të artilerisë. Kjo foto është bërë simbol i masakrës dhe krizës humanitare në periferi të Damaskut, në Ghouta Lindore.
Mësohet se fëmija dhe nëna e tij u vunë nën një sulm artilerie në një treg të popullarizuar në Hammuriah, Ghouta Lindore. Sipas një organizate mjekësore në këtë zonë, nëna e Karim u vra në atë sulm dhe Karim pësoi lëndime të rënda në kafkën e tij.
Dëmtimi i rëndë i Karim, është vetëm një nga tragjeditë njerëzore të miliona njerëzve që prej nisjes së luftës para 7 viteve për rrëzimin e diktatorit Bashar al Assad.
Për fëmijën ka nisur një fushatë në mediat sociale duke u bërë viral hashagu në Facebook dhe Tëitter, duke përfshirë nga yjet e sportit deri tek diplomatët, duke mbuluar njërin sy.
Fotografitë janë etiketuar me #SolidarityWithKarim dhe #StandWithKarim.
Observatori sirian për të Drejtat e Njeriut tha se ai ishte dëshmitar i bombardimeve të 29 tetorit në Hammuriah dhe në vende të tjera në periferi të Damaskut. Grupi monitoroi granatimet nga forcat e regjimit në një zonë ku ishte një kopsht fëmijësh, duke plagosur katër prej tyre.
