Një 64-vjeçar u arrestua të premten në mbrëmje pasi qëlloi për vdekje tre nga fqinjët e tij në një bllok apartamentesh në Gjermani.
Sipas mediave të huaja, ngjarja ndodhi të premten në mbrëmje në Langweid, jashtë qytetit bavarez të Augsburg. Menjëherë pas aktit, policia ka arrestuar 64-vjeçarin si të dyshuarin kryesor të ngjarjes.
Autoritetet thanë se po hetohet marrëdhënie që kishte midis të dyshuarit dhe viktimave, pasi ende nuk dihen shkaqet e ngjarjes.
Policia tha se i dyshuari qëlloi për vdekje dy gra, të moshave 49 dhe 72 vjeç si dhe një burrë 52-vjeçar, përpara se të vazhdonte në një shtëpi tjetër disa qindra metra larg. Aty dyshohet se ka qëlluar një grua 32-vjeçare dhe një burrë 44-vjeçar.
Shërbimet e urgjencës kanë mbërritur me shpejtësi në vendngjarje dhe kanë transportuar të plagosurit në një spital aty pranë, ku aktualisht po marrin tretman mjekësor. Fatmirësisht, autoritetet kanë deklaruar se plagët e tyre nuk besohet të jenë kërcënuese për jetën.
I dyshuari u ndalua në automjetin e tij dhe u arrestua pa rezistencë, tha policia./Opinion.al
