Një ngjarje e rëndë ka ndodhur në Arapaj, të Durrësit ku një vajzë 8 vjeçare është ngacmuar seksualisht nga një i ri. Personi që ka kryer aktin e turpshëm është arrestuar nga policia ndërsa ngjarja raportohet se ka ndodhur 2 javë më parë.
Ngjarja ka ndodhur në një shkollë 9-vjeçare në fshatin Arapaj, ndërsa sipas policisë rezulton se 16-vjeçari e ka çuar minorenen në katin e 4 të shkollës ku e ka ngacmuar atë.
Në lidhje me këtë ngjarje policia ka marrë një denoncim nga familja e vajzës minorene, ndërsa ka nisur procedimin penal në gjendje të lirë për shtetasin N.K., 13 vjeç
Sipas policisë vajza i është nënshtruar vizitës mjekësore dhe ka rezultuar se nuk ka pasur marrëdhënie seksuale me të. Kjo ngjarje vjen disa kohë pas ngjarjes tronditëse që shokoi opinionin publik ku një vajzë 14-vjeçare u abuzua seksualisht nga disa moshatarë.
Njoftimi i policisë:
Më datë 05.07.2019, Specialistët për Hetimin dhe Parandalimin e Krimeve në Komisariatin e Policisë Durrës në zbatim të urdhërit të Prokurorit, ndaluan 16-vjecarin A.R., pasi ky shtetas dyshohet të ketë kryer veprat penale të parashikuara nga nenet 108/a/2 dhe 110/2 të Kodit Penal. Gjithashtu filloi procedimi penal në gjendje të lirë për shtetasin N.K., 13 vjeç. Për arsye hetimi nuk mund të bëjmë me dije të dhëna të tjera./Opinion.al
