Një ngjarje e rëndë ka ndodhur në Berat, ku një 54 vjeçar është arrestuar nga policia nën dyshimet se ka përdhunuar një vajzë të mitur. Policia thotë se “shtetasi Resmi Turani banues në Berat, dyshohet se ka kryer marrëdhënie seksuale me dhunë me shtetasen e mitur R.K. 15 vjeçe, banuese në Berat”.
Nga ana e policisë nuk jepen sqarime të tjera lidhur me rastin dhe as mbi faktin se nga kush janë sinjalizuar për arrestimin e 54-vjeçarit. Ndërkohë materialet i kaluan Prokurorisë së Rrethit Gjyqësor Berat, për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç”.
