Është momenti më i rëndë në jetën e saj. Nëna e Luan Bernjashit, po shkon të shohë kufomën e djalit te saj 14 vjecar, trupin e të cilit e sollën në Karaçevë ekipet e Mjeksisë Ligjore.
Luani, nxënës i klasës së tetë, vdiq pas goditjeve me dru që mori nga babai i tij, Gani Bernjashi. Pas rrahjes, 60 vjecari e mbajti të mbyllur në një dhomë Luanin ndërkohë kishte rrahur edhe te bijën.
E motra arriti të dalë nga shtëpia dhe të gjejë një makine për ta dërguar vëllain në spitalin e Kamenices, por Luani tashmë kishte vdekur.
Ngjarja e tmerrshme tronditi edhe shkollën Asllan Thaçi ku mësonte Luani. Të enjten shokët e klasës por edhe shkolla nuk zhvilloi mësim. Drejtori i shkollës “Asllan Thaçi”, Ramadan Guda, thotë se Luani ka qenë nxënës i shkëlqyeshëm.
Ndërkohë në fshat banorët janë moboiizuar për ceremoninë e varrimit. Ngjarja e tmerrshme ka tronditur edhe fshatarët. Ata në kushte anonimiteti tregojnë se Ganiu i cili para lufte ishte dënuar për perdhunimin e nje 12 vjecare kishte sjellje jo normale.
Për më tëpër, babai i të dyshuarit për vrasjen e djalit, kishte mbytur dy vajzat e tij shumë vite më parë. Gani Bernjashi, që është edhe lypsar, menjëherë është arrestuar nga policia. Ai kishte thene që vdekja e djalit kishte ardhur nga një aksident me motoçikletë.
Prokurori që ka kërkuar një muaj paraburgim për Bernjashin, është duke e përgatitur kallezimin penal. Ndërkohë merret vesh se e tërë ngjarja tragjike kishte ndodhur për shkak se i ndjeri kishte marrë pa lejen e prindit, një mijë euro dhe i kishte shpenzuar ato.
Frontal raporton se Luani kishte borxhe dhe kjo e kishte shtyrë të merrë këto të holla padijeninë e babait, çka edhe ishte fatale për 14 vjeçarin.
/Burimi: Express/
