Bota

E quajti “miu i kanalizimeve”, Erdogan padit zëvendës/presidentin e Bundestagut



Bëhu pjesë e Grupit Zyrtar të Opinion.al
>> KËTU <<
               Publikuar në : 14:58 - 30/09/22 |
Opi Nion

Presidenti i Turqisë, Rexhep Tayyip Erdogan, ka ngritur padi kundër nënpresidentit të Bundestagut, Wolfgang Kubicki duke e akuzuar atë për fyerje dhe shpifje.

Padia e presidentit turk vjen pas deklaratave të zëvendës/presidentit të Bundestagut të dielën e kaluar, i cili gjatë një konference e quajti Erdoganin një “mi i vogël i kanalizimeve” dhe e akuzoi atë se po përdor çështjen e refugjatëve për të ushtruar presion politik mbi Evropën.

Mediat e huaja shkruajnë se më pas, politikani gjerman u përpoq të korrigjohej, duke shpjeguar se bëhej fjalë për një qenie të vogël, të lezetshme, të zgjuar dhe dinake, por mesa duket nuk e ka bindur palën tjetër, pasi ambasadori gjerman në Ankara u thirr në Ministrinë e Jashtme Turke për të dhënë shpjegime.

Në padinë e tij, avokati i Tajip Erdogan, Mustafa Kaplan, thekson, sipas revistës Der Spiegel, se termi “miu i kanalizimeve” i referohet një personi që konsiderohet moralisht inferior dhe i neveritshëm” dhe argumenton se këtu nuk bëhet fjalë për kritika aktuale, por për shpifje. Avokati tha se komentet e zëvendës/presidentit nuk kishin të bënin fare me politikën e refugjatëve, ndërsa shtoi se është vërtetuar që presidenti turk nuk po i përdor refugjatët si mjet presioni./Opinion.al

 

 

Pas