Kronikë

E qëlloi pasi pinë raki, autori rrëfen pse e vrau për nder shokun e tij


               Publikuar në : 14:57 - 27/02/19 |
b.f

Ndue Zefi vrau pak ditë më parë shtetasin Martin Ndreca në zonën e ish-Kënetës në Durrës, pas një sherri në lokal që më pas përfundoi me plumba drejt bashkëpatriotit të tij.

Arrestimi i Zefit u bë i mundur vetëm ditën e djeshme, ndërsa ishte fshehur në vendlindjen e tij Pukë.

I pyetur në lidhje me motivet që e çuan drejt aktit të vrasjes, Zefi tha se e bëri gjithçka për të ruajtur nderin e tij.

Sipas dëshmisë së dhënë në Polici, Zefi tha se dyshonte se viktima i ngacmonte një person të afërt.

“Me Martinin kemi njohje të vjetër, sepse kemi jetuar në fshatin Adriatik për disa vite. E konsideroja njeri të besuar, por më preu në besë. Kisha dëgjuar llafe të ndryshme, që kanë të bëjnë me çështje nderi. Atë ditë shkuam për t’i kërkuar llogari për veprimet e tij, nuk u morëm vesh si njerëz pasi u soll në mënyrë arrogante, duke mos më lënë asnjë zgjidhje tjetër. U përplasëm fillimisht në lokal, pastaj edhe në vendin ku ndodhi krimi. Qëllova në drejtim të tij disa herë me vetëdije të plotë, pasi e kishte hak plumbin”, tha fillimisht 37 vjeçari përpara hetuesve.

Më tej Zefi ka sqaruar edhe largimin nga vendngjarja.

“Pasi konstatova se kishte vdekur, u largova me shpejtësi nga vendi i ngjarjes. Pak metra larg vendit të krimit hodha armën, me të cilën kreva vrasjen dhe u largova në drejtim të Pukës, në vendlindjen time, për t’u fshehur. Por vendosa të dorëzohem në Polici, sepse nuk kisha dëshirë të qëndroja i fshehur, por të përballem me drejtësinë”, tha Ndue Zefi, që tashmë pritet të mësojë masën e sigurisë që Gjykata do të vendosë për të. Dl/ Opinion.al

 

 

 

Pas