Albert Bako humbi jetën i vrarë në burgun e Koridhalos në Greqi gati një javë më parë.
Mediat greke raportojnë se dy personat e akuzuar për vrasjen janë një shqiptar dhe një grek.
Mikel Kastrioti dhe Aristides Floros do të dalin tashmë para prokurort të Pireut për tu vlerësuar me masën e sigurisë.
Te dy të akuzuarit kanë qenë në një qëli me Bakon.
Mikel Kastrioti është I bashkëakuzuar me Bakon për vrasjen e një avokati grek.
I pyetur mbi rrethanat e ngjarjes, Kastrioti tha se nuk donte ta vriste Bakon, por vetëm ta lëndonte pak.
Ndërsa Flores refuzoi të dëshmojë.
Bako u qëllua me thikë në qafë dhe kraharor mësditën e së hënës, për motive që ende nuk dihen.
Ai ka vrapuar me shpejtësi edhe pse I plagosur në drejtim të vendrojes së policëve, por agresorët e kanë ndjekur deri në fund duke vazhduar ta godasin me thika.
Në trupin e viktimës u gjendën 300 euro, çka ngre pikëpyetje për Drejtorinë e Burgjeve, pasi të burgosurve nuk u lejohet të mbajnë shuma monetare me vete.
Një tjetër pikëpyetje është që në atë orë qelitë ishin të hapura/
Albert Bako u bë i njohur për publikun pas një ngjarjeje të rëndë, kur në nëntor 2014 qëlloi me breshëri kallashnikovi në një lokal, duke plagosur 14 persona.
