Kreu i Partisë Demokratike, Lulzim Basha është pyetur ditën e sotme nga një qytetare nëse do i mbajë premtimet e bëra të cilat i ka dhe në program elektorale pasi të marrë pushtetin.
Gjatë bisedës me qytetaren Bashaështë shprehur se nuk ka asnjë premtim në fjalët e thëna, pasi që në fillim të hartimit të programit i ka porositur specialistët që të bëjnë vetëm angazhime të realizueshme.
Ndër të tjera Basha thekson se programi i PD nuk është shkruar në nxitim dhe shpejt e shpejt për t’u lexuar tribunave por për të kanë punuar mbi 2 vjet plot 500 ekspertë të të gjitha fushave.
‘’Tani ka filluar fushata, dhe më 25 prill qytetarët do të vendosin. Në atë pritje që më bënë në Fier, Vlorë, Gjirokastër, Shkodër. Ndryshimi ka ardhur. Asgjë nga këto nuk është është premtim, politika shqiptare ka bërë premtime shumë të mëdha. Ky kryeministër në ikje e ka shkatërruar besueshmërinë tek politika. Prej premtimeve të pambajtura, konflikteve, ka rënë besueshmëria.
Prej ditëve të para i thashë specialistëve, asnjë premtim, vetëm angazhime të realizueshme. 300 mijë vende pune, legalizime falas, energjia elektrike. Vetëm angazhime të realizueshme. Ndryshe nga programi që shkruhet shpejt për t’u lexuar tribunave e sa mbaron nuk ndodh asgjë. Ky është plan, me 500 ekspertë të fushave të ndryshme, nga ekonomia tek bujqësia, taksat e shëndetësia. ‘’- tha Basha.
Kujtojmë se ditën e djeshme Këshilli Zgjedhor ka tkurrur listat e Partisë Demokratike duke e futur atë në zgjedhjet e 25 prillit me 69 kandidatë më pak. Teksa e kanë cilësuar vendimin si të padrejtë vendimin Partia Demokratike ka premtuar se do të vijojë luften deri në zgjedhje./Opinion.al
