Kanë qenë një nga çiftet më të dashur të showbizit botëror, deri në çastin kur aktori i njohur Brad Pitt vendosi të lërë aktoren Jennifer Aniston, për t’u martuar me aktoren Angelina Jolie.
Tashmë që çifti është zyrtarisht i ndarë kanë nisur sërish spekulimet për një kthim të mundshëm mes Aniston dhe Pitt.
Paparacët e kanë fotografuar aktorin ndërkohë që ishte duke dalë nga shtëpia e tij. Ata e kanë pyetur për filmin më të fundit ku do të jetë pjesë, dhe më pas nëse do të kthehej sërish me Jennifer.
Brad është përgjigjur vetëm “Oh Zot”, duke u dukur i bezdisur nga kjo pyetje. Aktualisht edhe ai edhe Aniston janë beqarë dhe për këtë arsye të gjithë po e mendojnë një rikthim të tillë mes tyre./Opinion.al/
