Deputetët e Kuvendit shqiptar kanë mbajtur 1 minutë heshtje për ndarjen nga jeta të ish-senatorit amerikan Bob Dole.
Ish-senatori u nda nga jeta disa ditë më parë në moshën 98-vjeçare.
Kjo u propozua nga Kreu i Grupit Parlamentar Socialist, Taulant Balla, i cili kujtoi mbështetjen që Bob Dole ka dhënë për shqiptarët dhe Kosovën.
Ai shprehet se roli i Bob Dol në njohjen e Kosovës si shtet i pavarur ka qenë e pakursyer.
“Ne shqiptarët do ta kujtojmë zotin Dole si njeriu që u angazhua shumë herët se të tjerët në politikën amerikane në mbështetje të Kosovës dhe luajti një rol të rëndësishëm në krijimin e shtetit të ri të Kosovës. Lidhet e Dole me shqiptarët lindën në fund të viteve ’80 kur Kosova ishte nën shtypjen e regjimit të Millosheviçit dhe ishte një prej politikanëve të parë që e vizitoi Kosovën në fillim të 1990”,-tha Balla./Opinion.al
