Zëvendës presidentja e klubit serb Rad, tifozët e të cilit fyen në baza racore futbollistin brazilianin Everton Luiz të Partizanit të Beogradit, u ka dalë në mbrojtje, duke fyer edhe ajo futbollistin.
Në një postim në Facebook, të cilin e fshiu më vonë, Jelena Poliq e fyeu futbollistin brazilian.
“Kthehu në Brazil dhe tregoju gishtin e zi brazilianëve”, ka shkruar Poliq.
Futbollisti brazilian braktisi fushën me lot në sy kur tifozët e Radas e fyen në baza racore.
“Tërë këto lajme për lojtarin e ‘madh’ Everton që ndodhën në ndeshjen mes Radit dhe Partizanit janë të njëanshme dhe të këqija”, ka shkruar më tej ajo.
“Siç duket ne duhet të respektojmë të tjerët më shumë se veten, të jemi krenar kur ekipi i Titos [Partizani] ka shtatë lojtarë të huaj dhe pastaj të qajnë me lot të rrejshëm dhe të thonë: ‘E dua Serbinë që e kam si shtëpi timen’”.
“Pse nuk shkon në Brazil dhe ngrite gishtin e zi ndaj brazilianëve dhe shaj me nënë ata, pastaj çdo gjë do të jetë në rregull”.
