Një 53-vjeçar është arrestuar, pasi gjatë një konflikti të çastit ka kafshuar në vesh një shtetas tjetër.
Burimet nga Policia e Sarandës thanë se ngjarja ka ndodhur të dielën në lagjen Nr.1 të Sarandës, ndërsa Hajri Cako me profesion shofer, ka kafshuar në vesh shtetasin Apostol Sinanin, banues në Berat.
Sipas komunikatës së policisë, 53 vjeçari i ka këputur pjesën sipërfaqësore të sipërme të veshit
“Më datë 10.12.2017, u arrestua në flagrancë shtetasi H. Ç, 53 vjeç, pasi dyshohet se në lagjen Nr.1 Sarandë, për motive të dobëta, i ka shkaktuar dëmtime në vesh shtetasit A.S., banues në Berat.
Neni 88/1 Kodit Penal” thuhet ndër të tjera në njoftimin e policisë.
