“Thai Airways” nuk lejoi tri gra të së njëjtës familje të shijonin luksin e klasit biznes në një fluturim që do të zgjaste 11 orë për t’u kthyer nga Bangkoku në Auckland.
Dy motrat, Renell dhe Tere dhe nëna e tyre Huhana mbetën të traumatizuara pasi stafi i kompanisë i mati me metër dhe më pas iu tha që ishin shumë të mëdha për të qëndruar në sediljet e “business class”. Pengesa e gjuhës e përkeqësoi situatën dhe stafi e çoi familjen në klasin ekonomik.
”Ata erdhën drejt nesh dhe bërtisnin “shumë e madhe, shumë e madhe” dhe e përsërisnin këtë gjë. Shumë njerëz që qëndronin në radhë në check-in na shihnin tek na matnin me metër. Ishte shumë poshtëruese sesi na trajtuan. Nuk i mbajta dot lotët”, u shpreh nëna e dy vajzave, Huhan.
“Thai Airways” u mundua të sqaronte se rripat e sigurimit të “business class” janë të pajisur me air-bag që do të thotë se ato nuk mund të zgjaten. Megjithatë, familja është ende e traumatizuar nga kjo ngjarje dhe kërkon dëmshpërblim./Opinion.al
