Gjatë takimit të sotëm me kryebashkiakët, kryeministri Edi Rama, foli edhe për një tjetër problematikë atë të regjistrimit të tokave bujqësore.
Rama dha urdhër që të përfundojë brenda mandatit të tretë regjistrimi i tyre. Sipas tij, mjetet janë në dispozicion dhe njerëzit, ndaj regjistrim i pronës bujqësore duhet të mbyllet sa më parë.
“Asyeja tjetër është domosdoshmëria e një ndryshimi imediat i ndryshimit tuaj qeverisës lidhur me regjistrimin e tokës bujqësore. PS nuk do marrë asnjë kosto për zvarrjen e këtij procesi. Regjistrimi të përfundojë brenda mandatit. Del dhe tepron ajo që keni pasur deri më sot. Vonesa është e patolerueshme, janë bërë të gjitha ato që mund të bëhëshin që ky proces të përfundojë brenda mandatit të tretë. Regjistrimi i tokave bujqësore është një sfidë historike. Tani duhet bërë! Ligji i ri që është pjesë e këtyre përpjekjeve e ka përmbledhur të gjithë arkivat, në një vend në Kadastër.
Po ky proces nuk mund të kryhet nëse nuk dorëzohen të gjitha në Kadastër. Pasi pranë këtyre institucioneve është depozituar për 30 vjet këto dokumente. Akoma sot nuk po mblidhet në Kadastër. Agjensia iu është drejtuar 2 herë, në 2020 dhe në 2021. Tani cfarë ka prodhuar ky drejtim 2 herë me shkresë. 18% e bashkive e kanë kryer përgjithesisht dhe pjesërisht këtë detyre, vetëm 9 bashki e kanë dorëzuar dokumentacion, ndërsa të tjerat nuk kanë dhënë asnjë shenjë që po merren me këtë punë”, tha Rama./Opinion.al
