Drejtuesi politik i Koalicionit Euroatlantik, Lulzim Basha i është përgjigjur kryeministrit Edi Rama, i cili tha gjatë takimit nga Athina se opozita me “në krye bufin dhe Lulin” nuk e donin reformën në drejtësi.
Përmes një video në rrjete sociale, Basha thotë se të gjithë e dinë se kush e donte reformën në drejtësi.
Ai u shpreh se Rama e nisi në 2013-ën projektin Shqipëria 313, duke futur në listë të korruptuarit, trafikantët, kriminelët, përdhunuesit.
Më tej Basha me ironi i ka kërkuar të bëjë kujdes, se edhe shoqet kanë fillu t’ia bëjnë hallvën.
“O Rame, e paske hap prap thesin në Athinë Rame. E di i madh dhe i vogël Rame kush e donte reformën në drejtësi dhe kush jo. Edhe kush i liroi të korruptuarit me amnisti, e ka marrë vesh e gjithë bota.
E mër Ram, e nise në vitin 2013 projektin Shqipëria 313. Kush t’i futi në listë ty më Ram të korruptuarit, trafikantët, kriminelët, përdhunuesit?
Unë t’i futa, apo i fute vet. Leji përrallat Rame se si ha më njeri. Po kallxo, ku të mbetën shokët Rame dhe kujdes shoqet se kanë fillu me t’bo hallvën. 7×7=313, Rame”, thotë Basha.
