Ndërsa pjesa më e madhe e udhëheqësve të botës i kanë uruar fitoren Donald Trump me një përgjigje të matur, diplomatike, presidentja e parë e zgjedhur e Afrikës nuk i ka kursyer fjalët e saj.
Ellen Johnson Sirleaf, Presidentja e Liberisë, tha se ajo ishte “shumë e pikëlluar” pas humbjes së Hillary Clinton dhe kalimit të pushtetit në duart e republikanëve, madje tha se ishte “e shqetësuar” rreth perspektivave të marrëdhënieve të SHBA me vendet afrikane.
Zonja Johnson Sirleaf u zgjodh Presidente pasi Liberia doli nga një luftë civile 14vjeçare. Ajo filloi mandatin e saj të dytë në vitin 2012, dhe zonja Clinton mori pjesë në inaugurimin e saj si Presidente që atëherë kishte rolin e saj si Sekretare e Shtetit.
“Ne jemi shumë të pikëlluar nga kjo mundësi e humbur nga ana e popullit të Shteteve të Bashkuara për t’u bashkuar me demokracitë më të vogla në dhënien fund të margjinalizimit të grave,” tha Johnson Sirleaf në një intervistë me BBC të mërkurën.
Duke shtur: “Ne jemi të shqetësuar me atë nëse Presidenti i zgjedhur Trump do të ketë një axhendë afrikane, a do të jetë në gjendje për të ndërtuar ura me Afrikën. Ne vetëm mund të shpresojmë se ai do ta bëjë këtë në kohën e duhur. Jam e shqetësuar në lidhje me marrëveshjet e tregtisë me Liberinë, për Afrikën. Jam e shqetësuar në lidhje me investimet dhe programet e veçanta që janë vendosur nga Presidenti Obama dhe Presidenti Xhorxh Bush para tij, dhe ne thjesht nuk e dimë se cila do të jetë politika ndaj Afrikës”.
