Ish-drejtori i Përgjithshëm i Postës Shqipëtare, Mailind Lazimi ka kallëzuar në Prokurori ministren e Ekonomisë Milva Ekonomi, pasi sipas tij është shkarkuar nga detyra me motivacion politik dhe pa argumentim ligjor.
Ndërkohë Ministrja e Ekonomisë Milva Ekonomi në një reagim për mediat y shpreh se është në zbatim të detyrave që i jep ligji.
“Kam të drejtën që më jep ligji për emërime dhe shkarkimi edhe për shoqëritë anonime. Jam në zbatim të detyrave që më jep ligji”, është shprehur ministrja.
Shkarkimi i Lazimit u bë tre ditë më parë menjëherë pas ngritjes së Task Forcës së Monitorimit të Administratës.
Lazimi nga radhët e LSI u shkarkuar me dyshimet se është bërë pjesë e fushatës së kësaj partie dhe u ka bërë presion punonjësve të votojnë LSI-në.
Tashmë çështja është në prokurori.
