Në banketin që do shtrohet sot nga Presidenti koreanojugor për nder të Presidentit amerikan Trump do të ketë surpriza. Një salcë me sojë, e përgatitur 360 vite më parë është përfshirë në mënu, pa harruar pijen e preferuar të presidentit amerikan.
Salca e sojës është një nga ushqimet bazë të gastromonisë në Korenë e Jugut. Këto lloj salcash janë të përpunuara me shumë delikatesë nga artizanë të famshëm dhe të fermentuara gjatë dekadash, madje edhe shekujsh, që mund të shiten për dhjetëra mijëra dollarë litri.
Një tjetër pjatë e darkës së të martës ishte gjuhëza në zgarë, peshku i preferuar i Trump.
“Menuja përmban ushqim me shije tipike të vendit, tradicionale që mund të jenë gjithashtu në shijen e presidentit së SHBA”, deklaroi një zëdhënës për agjencinë koreano-jugore të lajmeve, Yonhap.
Në menunë e darkës në Seul përmenden gjithashtu karkaleca deti, sipas pallatit presidencial, të peshkuar pranë ishujve të izoluar në Detin e Japonisë, që pretendohen njëkohësisht nga Koreja e Jugut dhe Japonia.
