Pronari i një rrobaqepsije në Fushë-Krujë ka dhënë punëtorët me qira tek kultivuesit e kanabisit.
Mësohet se ai ka pezulluar aktivitetin e tij të punës derisa të mbarojë tharja dhe prerja e boçeve të kanabisit në zonë.
Lajmi është bërë me dije nga gazetari i ABC News, Flamur Vezaj në profilin personal në facebook.
Vezaj shkruan se punëtorët për çdo ditë pune te kultivuesit marrin nga 3000 lekë.
Ndërsa, për të ruajtur vendin e punës, ata janë të detyruar për të paguar çdo ditë pronarin e rrobaqepsisë nga 500 lekë.
Mirëpo, vetëm dy ditë më parë, gjatë një aksioni të organizuar nga Policia e Durrësit është gjetur një sasi prej 1.3 ton kanabis në një magazinë në fshatin Derven të Krujës.
Shënimi i plotë:
“Lajmi i fundit nga “Fronti i se keqes”: Pronari i nje rrobaqepsije ne Fush-Kruje ka dhene punetoret me qera tek kultivuesit e canabisit! Ai ka pezulluar aktivitetin e tij. Punetoret, per cdo dite pune te kultivuesit marrin nga 3000 leke. Per te ruajt vendin e punes, cdo dite punetoret i japin pronarit te rrobaqepsise nga 500 leke! Ja, kesaj i thone ekonomi tregu!”
