Është e pabesueshme ajo që ka ndodhur në burgun e Peqinit. Sikundër lajmëruam edhe më parë, ish-prokurouri i Krujës Haxhi Giu ishte një ndër të burgosurit që do të linte sot qelinë. Por një njftim i fundit i bërë nga Drejtoria e këtij burgu i ka kërkuar z. Giu të rikthehet në vendin e vuajtjes së dënimit. Ndërkohë që është ende e paqartë arsyeja e një kërkese të tillë gjë që pritet të zbardhet në vazhdim. Lajmin e ka dhënë vetë z. Giu i cili thotë se e kanë telefonuar nga burgu për tu rikthyer në vendin e vuajtjes së dënimit. Më thanë: “Nëse nuk kthehesh do të të marrim me forcë”
prokurori i Krujës Haxhiu Giu, i cili u arrestua më 2 dhjetor 2015 dhe u gjykua për korrupsion, pasi u kap me një shumë prej 10 mijë eurosh, që ia kishte marrë shtetasit Aleks Shpori nga Shkodra.
Këto para, sipas hetimeve, dyshohet se do të shërbenin si pagesë për prokurorin që t’ia lehtësonte akuzën vëllait të Aleks Shporit, Paulinit i cili ishte arrestuar së bashku me 3 persona, ku edhe i janë sekuestruar mbi 100 kg hashash.
Historia
Nga bisedat e përgjuara, rezultonte se Aleks Shpori pas kontakteve me prokurorin Haxhi Giu, kishin rënë dakort të linte në formë garancie një shumë prej 10 mijë euro pranë një pike të këmbimit valutor në Tiranë. Paratë do të tëhiqeshin nga prokurori Giu, nëse akuza për Paulin Shporin do te zbutej, nga “prodhim, mbajtje dhe shitje të lëndëve narkotike” në akuzën e “moskallëzim krimit”. Prokurori Giu, në përfundim të fazës hetimore dhe gjyqësore, nuk kishte arritur t’i ndryshonte akuzën shkodranit Paulin Shporit, i cili është dënuar me 8 vite burg.
Në këto kushte, Aleks Shpori, i vëllai i të arrestuarit ka tërhequr parate nga pika e këmbimit valuator. Të gjithë këto veprime, sipas prokurorisë, u provuan edhe nga pamjet e kamerave të sigurisë së kësaj pike si dhe bisedat e përgjuara mes familjarëve të Paulin Shporit. Nga ana tjetër, prokurorët pasi kanë arritur të provojnë veprimet e Haxhiu Giut, në kundërshtim me ligjin kanë urdhëruar arrestimin e tij, këtu në kryeqytet.
Prokurori Haxhi Giu ka qenë njëri nga prokurorët që arrestoi dhe më pas ndoqi në fazën gjyqësore Jaho Saliun dhe personat e tjerë, që u dënuan për vrasjen e Azem Hajdarit në kryeqytet.
