Një 32-vjeçar nga Tirana ka rënë në prangat e policisë pasi përndiqte në mënyrë të vazhdueshme një vajzë nga Fieri.
Sipas gazetarit të “Aldo Morning Show”, i riu nga Tirana kishte njohur vajzën në “Instagram” dhe ishte transferuar në Fier nga ku i kërkonte vajzës ta takonte, por vajza duket se ka ndryshuar mendje dhe e ka refuzuar. Pas përndjekjeve të vazhdueshme vajza e ka denoncuar në polici djalin.
“Një djalë 32-vjeçar nga Tirana ka njohur në “Instagram” një vajzë nga Fieri dhe ka ardhur këru për disa ditë për ta takuar, por vaza kishte ndërruar mendje dhe nuk dilte. Djali ka gjetur edhe lagjen e vajzës dhe ka filluar ta përndjekë në mënyrë të vazhdueshme. Ndërkohë vajza ka denoncuar në polici djalin” raporton gazetari. /tvklan.al
