Nancy VanHorn, e ngarkuara e Shteteve të Bashkuara të Amerikës me Punë në Shqipëri, ka marrë detyrën ditën e djeshme.
Përmes një videomesazhi të publikuar nga ambasada e SHBA-së në Tiranë, VanHorn shpreh interesin për të zbuluar dhe mësuar më shumë për Shqipërinë.
Nancy VanHorn tregon në shqip se Shërbimit të Jashtëm të SHBA-ve i është bashkuar në vitin 2007 dhe se ka punuar si diplomate në të gjithë Europën Lindore.
E ngarkuara me punë në Ambasadën Amerikane shpreh përkushtimin e saj për të mbështetur Shqipërinë në rrugën e saj drejt integrimit në Bashkimin Europian, por edhe për të forcuar lidhjet mes dy vendeve.
“Bashkohuni me ne teksa mirëpresim të Ngarkuarën tonë të re me Punë, Nancy VanHorn! Ajo dëshiron të zbulojë dhe mësojë më shumë për Shqipërinë dhe ka tri pyetje për ju – ju lutemi ndani sugjerimet tuaja në komente”, shkruhet në rrjete sociale.
