Policia e Tiranës tha se ka zbardhur vrasjen e 26-vjeçarit Jurgen Kurti, ndërsa të martën në pranga vuri tre persona si bashkëpunëtorë në krim.
Të prangosurit janë: Esli Levendi 21 vjeç, lindur në Athinë dhe banues në Tiranë; Alesio Berberi, 33 vjeç lindur në Patos; Olsi Qalliaj, 22 vjeç, lindur në Fier dhe banues në Patos.
Ndërkohë që Klodian Bane, pronari i mjetit, është shpallur në kërkim. Ata akuzohen për vrasje me paramendim e kryer në bashkëpunim, si dhe armëmbajtje pa leje. Policia dhe Prokuroria kanë dyshime se vrasja është porositur nga persona të tjerë.
Tre të arrestuarit kanë folur para hetuesve por pa dhënë detaje për arsyen pse vranë Jurgen Kurtin, një emër i njohur për publikun por dhe për drejtësinë.
Ata u zbuluan nga përgjimet, ndërsa komunikonin me mesazhe ku dhe përmendnin shifrën 30 mijë euro, që sipas hetuesëve mund të jetë shuma që janë paguar për të kryer ekzekutimin.
Të arrestuarit kanë thënë në polici se prej më shumë se 2 javë e kanë ndjekur Kurtin, për të mësuar lëvizjet e tij, ndërsa kanë lëvizur me një automjet “Benz” ngjyrë gri, që është në pronësi te personit të shpallur në kërkim.
Në këmbë Kurtin e ka ndjekur 21-vjecari, Elsi Leventi, i cili më pas ka njoftuar ekzekutoret për mbërritjen e 26-vjeçarit pranë pallatit.
Gjatë aksioni të policisë së Tiranës u sekuestruan një pistoletë TT e disa fishekë, një sasi e vogël kanabisi, 2470 Euro e Lekë shqiptare, 13 telefona, si dhe dy mjete të tjera luksoze./Opinion.al
