Prej 3-ditësh i mbytur në kanionet e Osumit në Skrapar, është gjetur sot trupi i pajetë i turistit hollandez, 68-vjeçarit Jules Schuurmans.
Trupi i pajetë u gjet nga polombarët e forcave RENA-s dhe pritet të transportohet drejt morgut të Institutit të Mjekësisë Ligjore në Tiranë.
Jules Schuurmans së bashku me bashkëshorten e tij Helma Schuurmans, kishin shkuar për të notuar pasditen e 8 Majit në kanionet e lumit Osum në Skrapar,por i ka marrë rrjedha e lumit.
64-vjeçarja Helma Schuurmans ka mundur të dalë nga lumi, ndërsa bashkëshortin e saj e ka marrë rrjedha e ujit dhe nuk ka mundur dot të dalë jashtë./Opinion.al
