Kunati i Diana Saliajt, Ilir Saliaj ka deklaruar se nuk do t’ja falë kurrë nipit të tij ngjarjen tronditëse që ndodhi disa ditë më parë.
16-vjeçari, Luis Saliaj, sëbashku me dy shokë shkuan në shtëpinë e xhaxhait të tij për ta grabitur dhe pasi hasën rezistencë nga gruaja e tij e vranë atë, e lidhën dhe e hodhën në rezervuar për të fshehur trupin.
Në një deklaratë për mediat, xhaxhai tjetër i 16-vjeçarit thotë se ai i ka thënë se viktimën e kanë mbytur me dëshirë.
“Më mori polici, isha me nipin në makinë. I kam thënë policit merre, se iu tregon vetë. Dhe kur e kanë marrë, i ka treguar të gjitha. Ka treguar që ka vajtur me një shok tjetër, kanë pirë dhe kafe, e kanë vrarë, por nipi thotë që unë nuk kam marrë pjesë në vrasje. “E kemi mbytur me dëshirë”, thotë, dhe më pas, e ka marrë dikush tjetër nga fshati dhe e ka hedhur në rezervuar. Është djalë i keq, djalë i hedhur, edhe përdorues hashashi, duket se është prototip, nuk ka shkollë, është djalë pa llogari, dhe është tip mashtruesi, që asgjë nuk i merret për bazë”, tha xhaxhai adoleshentit.
Më tej ai shtoi se nuk e njeh më 16-vjeçarin për nip ndërkohë shton se babai i tij ka kaluar në gjendje shoku dhe është shumë i sëmurë. /Opinion.al
